Vermenigvuldig Vreugde
Deur Lyli / 24 Augustus 2020 / Ken Die Liefde
Vreugde is bedoel om gedeel te word. Ek is mal daaroor as ek goeie nuus van ‘n vriend ontvang.
“Meneer Perfek het die vraag gevra en die Here voeg ons saam as man en vrou.”
“Ek het die werk van my drome gekry en God het die deur vir my oopgemaak om my gawes in ‘n wonderlike plek te gebruik.”
“Ons het gedink ons is verewig onvrugbaar, maar die Here het twee klein babatjies in my baarmoeder geplant.”
As God iets skouspelagtig doen, kan ons eenvoudig nie stilbly nie. ‘n Beantwoorde gebed is soos sonskyn wat deur die wolke bars na ‘n baie stormagtige seisoen van duisternis.
Johannes het sy brief begin deur vreugdevolle nuus te deel. Hy kon nie ophou praat nie, want God het Homself op ‘n merkwaardige manier geopenbaar. Sy hoop was dat ons die Waarheid sou ken en saam met hom sou feesvier:
Hallelujah! Vanaf die begin tot in ewigheid, het God ‘n plan om ons te red.”
Jesus het mens geword en gekom om ons van sondes te verlos. Ons ervaar ware lewe as gevolg van ons Verlosser. Ja en Amen!
God die Vader is aktief teenwoordig in ons lewens. Almal wat Christus ontvang het, het ‘n volgehoue en blywende vriendskap met God wat hierdie wêreld nie kan wegneem nie. Dankie, Jesus!
My vriende, ons het rede om te vier. Ons het Goeie Nuus om te deel. Ons sal nooit weer dieselfde wees nie.
Ons kan nie stilbly nie, want Jesus het gekom en Hy het ons lewens vir altyd verander.
Soos ons met die briewe van Johannes begin, mag ons harte oorloop van die vreugde van die Here. Die vyand van ons siele wil hê dat ons moet vergeet dat ons Verlosser die graf oorwin het en eendag al die duisternis in hierdie gevalle wêreld vir ewig sal verdryf. Ons teënstander wil ons met twyfel vul, sodat ons stilbly. Kom ons besluit om met elke vesel van ons wese te getuig van God se goedheid in ons lewens. Goeie Nuus is bedoel om gedeel te word.
Johannes het met sy eie ore gehoor hoe Jesus woorde van lewe spreek, sy heerlikheid met sy eie oë gesien en sy opgewekte liggaam met sy eie hande aangeraak. Hy het geweet dat Jesus ‘n werklikheid is. Hy wou hê dat almal dieselfde vreugde moes beleef wat diep in sy hart geplant is.
Vriendin, het Jesus jou lot vir altyd verander? Het sy Woord jou kragtig verander? Het jy gesien hoe God jou gebede beantwoord en jouself verwonder aan sy goedheid? Jy hou die woord van die lewe vas en iemand naby jou moet dit hoor.
As God jou lewe aangeraak het, moet nie stilbly nie. Verkondig die waarheid van die evangelie met jou hele hart: Verlossing is hier en sy naam is Jesus.
Ons vreugde word vermenigvuldig wanneer ons ons monde oopmaak om Christus te deel.
