‘n Ewige Koninkryk
Deur Sara / 3 Desember 2020 / Ewige Verbond
Het die wêreld nie onderstebo gevoel in 2020 nie? COVID is ‘n ramp. Politiek is kontensieus. Mense is senuweeagtig. Dinge voel onseker. Planne is tydelik. Ons reëls verander gereeld.
Maar, God.
Hy is hier. Standvastig. Bestendig.
In hierdie maande van die COVID pandemie, het dit ‘n nuwe deel van ons daaglikse lewens geword om maskers te dra. Ons het al dikwels gepraat oor hoe moeilik dit is om behoorlik met mense te kommunikeer wanneer mens nie hulle gesigte kan sien nie. Ons stemme is gedemp. Ons glimlagte is toegeblok.
Wanneer ek in hierdie seisoen dink aan die Ou Testament ervaring van God, dan sien ek herhaaldelik ‘n gesigmasker. Die Ou Testament is besprinkel met beskrywinge van God wat sy gesig van sy volk wegsteek as gevolg van hulle ongehoorsaamheid. Dink vir ‘n oomblik daaraan. Dit is swaar. God het met tye sy gesig weggesteek (sy guns weggeneem) van hulle, as gevolg van hulle aksies.
God se soewereine plan vir verlossing het baie generasies van mense wat gefaal het ingesluit (Matteus 1:1-17). Daar is moord, egbreuk, afgodsdiens en prostitusie in Jesus se bloedlyn. God het ‘n verbond met Dawid gesluit in 2 Samuel 7:16 waar Hy beloof het dat Dawid se nageslag sou heers, maar Hy het ook vertel van die ewige koninkryk wat sou kom met Jesus.
Aan die kruis het Jesus die versoening vir ons sondes geword. God het ‘n ewige koninkryk gevestig en ‘n ewige verbond met mense gesluit. As ons glo in Jesus, die Seun van God wat aan die kruis gesterf het om ons van ons sondes te red, is ons gered deur genade en leef die Heilige Gees in ons.
Die wêreld is ‘n gemors, maar God het ons nie verlaat nie. “In alles word ons verdruk, maar ons is nie teneergdruk nie; ons is oor raad verleë, maar nie radeloos nie; ons word vervolg, maar nie deur God verlaat nie, op die grond neergegooi, maar nie vernietig nie. Die sterwe van Jesus dra ons altyd saam in ons liggaam, sodat ook die lewe van Jesus sigbaar kan word in ons liggaam.” (2 Korintiërs 4:8-10).
God, wees naby.
