Lewensgewende Vriendskap
Die wonder van vriendskap is om die lewe wat God jou gee, te deel, om mense by jou te hê wat jou help om die lewe wat jy hier op aarde het, te geniet en te navigeer. Vriende wat ook gelowiges is, is nog meer ongelooflik, want ons kan mekaar help om godsaligheid na te streef.
Ons het ander nodig vir ‘n ryk lewe.
Ek is ‘n introvert en gee regtig nie om om alleen te wees nie. Alhoewel ek geen kluisenaar is nie, hou ek daarvan om alleen te wees. Ek is ook lief vir my vriende en wanneer ons bymekaar kom, lyk die lewe ‘n bietjie helderder en die laste ‘n bietjie ligter. Ons lag, eet saam, gaan fliek, gesels oor musiek, speel speletjies en ontvang wenke en advies oor die grootmaak van ons kinders. Sommige vriende gaan saam met vakansie, terwyl ander van ‘n wandeling deur ‘n boeremark hou. Ons praat, lag, huil en baklei miskien selfs, maar die lewe is voller en lekkerder omdat ons ons vriende het. Dit is goed. Dit is waarvoor ons geskep is.
Ons het mekaar egter ook nodig om in ons geestelike lewe te kan floreer.
Ons het ander nodig vir godsaligheid.
Ons het vriende nodig om in godsaligheid te floreer. In Romeine 12 word ons geroep om liefde en die goeie na te streef, om vir mekaar te bid en vrede na te streef. Ons leer hoe om dit te doen deur die voorbeeld van Jesus en ander, meer volwasse Christene.
Ons word geroep om voorbeelde vir mense rondom ons te wees deur hoe ons God eer en ons naaste liefhet.
Ons kan mekaar se hande neem as ons sien dat iemand moeg of uitgeput is. Ons kan mekaar oor hindernisse help. Ons kan dié wat bang is te midde van die stryd, aanmoedig en waarheid spreek.
Ons doel as vriende is om mekaar te sien groei in godsaligheid en om die poorte van die hemel sterk, opgewonde, aanbiddingsvol en lief vir God, te bereik.
Om vriende te maak met ander wat Christus bely, is nooit waardeloos nie. Dit is iets wat jy saam met jou in ewigheid kan neem. Wat jy begin as ‘n vriendskap hier op aarde, sal jy in die hemel voortsit, maar daar sal dit perfek wees.
Kyk na Jesus,
