Hoop op Hom
Melissa Fuller
“Kyk, al wil Hy my ombring – ek hoop op Hom; ek sal tog my wandel voor sy aangesig bepleit.”
– Job 13:15 (1953 vertaling)
Job was ‘n getroue dienskneg van God, maar God het Satan toegelaat om al Job se besittings, sy kinders en selfs sy gesondheid weg te neem. Job was verpletter, net soos elkeen van ons sou wees as so ‘n verskriklike verlies met ons moes gebeur. Wat hy die meeste gevrees het, het met hom gebeur.
Hy het al sy krag verloor en in sielesmart uitgeroep. Hy het uiting gegee aan sy gevoelens dat daar geen sin daarin is om aan te gaan of om te wag vir herstel of genesing of vrede nie. Hy het gedink God het hom skade berokken vir geen rede nie. In sy verlies het hy vergeet dat God goed en barmhartig en genadig is. God het toegelaat dat Job ongelooflike verlies ervaar, maar nie vir die redes wat Job gedink het nie.
Job was heeltemal oop en eerlik met God. Hy het vrae gevra en om hulp uitgeroep. Job het geweet dat hy nie in sonde gewandel het nie en dus kon hy nie verstaan hoekom dit geblyk het dat God hom gestraf het nie. Tog het Job groot geloof gehad en geweet dat hy steeds op God sou hoop, maak nie saak wat nie. Job was ‘n regverdige man, maar hy was nie God nie. God het ‘n groter doel vir sy lyding gehad. Job het geweet dat selfs al sou God hom doodmaak, kon hy steeds op God hoop. God was steeds die enigste ware bron van lewe en die enigste Een waardig van sy hoop.
God het nie probeer om Job te vernietig nie. Daar was ‘n baie groter doel vir Job se verlies. God het Job toegelaat om verlies te ly om Satan te wys hoe getrou Job aan Hom was. God het Job na die verlies herstel. Job was getrou en het God nie ontken te midde van sy lyding nie, maar dit was nie hoekom God hom herstel het nie. God het toegelaat dat Job herstel word sodat Sy ongelooflike goedheid en genade gewys kan word.
Job se verhaal herinner ons daaraan dat God steeds God is en dat Hy steeds goed is, selfs wanneer ons nie van die lyding van hierdie wêreld verlos word nie. Ons mag dalk baie hard bid en met verwagting wag, net om teleurgesteld te wees as die lewe anders afloop. Maar om nie ons gebede beantwoord te hê op die manier of die tyd waarop ons gehoop het nie, beteken nie dat ons nie gehoor is of ontken is nie. Om nie verlig te word van ons huidige lyding, verander nie die belofte van uiteindelike, ewige herstel nie.
Selfs al is daar geen genesing nie, selfs as die verhouding nie herstel word nie, selfs as die finansies nie verbeter nie, selfs as die kind steeds rebels bly, selfs as die verslawing in beheer bly, kan ons ons hoop op God plaas.
Is ons getrou aan God te midde van verlies? Ons kan eerlik wees met God, maak nie saak wat ons in die gesig staar nie. Maar ons kan nie uit die oog verloor wie God is nie. Ons weet Hy is altyd goed en liefdevol en sagmoedig en ons kan altyd hoop in Hom vind. Daar mag ‘n groter geestelike, ewige doel vir jou verlies wees, een wat ons dalk nooit op hierdie aarde sal sien nie.
Kom ons volhard soos Job, maak nie saak wat nie en verklaar moedig: “Selfs al … sal ek my hoop op Hom plaas.”
Week 6 Uitdaging:
Waarom is hoop ‘n anker vir ons siele? Wat het jy in die afgelope paar weke oor hoop geleer wat jou begrip van God se karakter verander het? Hoe het Hy jou geloof verdiep en jou volharding versterk? Teken sy getrouheid aan en onthou sy goedheid!
Week 6 Leesplan:
Week 6 Memoriseervers:
