Wanneer om te staan en wanneer om te kniel
Deur Joy / 3 Oktober 2019 / Ester
Ons verse vir vandag is Ester 3:1-4 en Psalms 95:6. Ons sien in die verse van Ester dat Mordegai uiteindelik besluit het om op te staan vir dit waarin hy glo. Tot nou toe het hy stilgebly, voor die Koning gebuig en sy gebruike en praktyke in ooreenstemming met die gebruike van sy omgewing gehou. Hy het Ester aangemoedig om onder die radar te vlieg en haar identiteit geheim te hou en te doen wat hulle haar in die paleis vra.
Maar waarom besluit Mordegai nou om standpunt in te neem? As hy gevra word om voor Haman te buig, weier hy, en dit lei tot gevolge. Maar waarom nou? Een rede is dat Haman ‘n Agagiet is, en die Agagiete is jare lange vyande van die Jode. Mordegai het uiteindelik besluit dat genoeg genoeg is en dat hy nie langer sy oortuigings sal besoedel deur voor sy vyand te buig nie.
- Dit is nooit te laat om standpunt in te neem nie.
Alhoewel Mordegai nie van die begin af opstaan het nie, besluit hy om nou standpunt in te neem. En ons kan dieselfde doen. Ons kan vandag kies om te sê: “Nie meer nie” vir die dinge waarvan ons weet dat ons regtig moet standpunt inneem. Is dit ‘n TV-program wat ons regtig nie bevoordeel nie? ‘n Skindergesprek waarvan ons deel was en wat ons weet ons moet stop? Selfs al het ons in die verlede nie standpunt ingeneem nie, is dit nie te laat om te sê dat dit vandag die dag is nie!
- Ons kan kies om voor die Here onse God te buig.
Psalms 95:6 nooi ons uit om te aanbid en neer te buig voor die Here ons God, ons Skepper. Lees hierdie vers en laat dit insink. Voor wat anders as die Here het jy neergebuig? Afgode het ‘n manier om in te kruip sonder dat ons dit eers besef! Neem ‘n oomblik om na te dink oor wat ‘n afgod in jou lewe geword het, en bely. Kies dan om voor die Here te buig!
- Laat ons kniel.
‘Kom ons kniel voor die Here ons Skepper.’ Laat ons hierdie week werklik kniel, fisies kniel voor die Here.
Alles vir Jesus,
