Roep Om Hulp
Ebos Aifbouhokhan
“Hoe lank moet ek om hulp roep voordat U hoor, Here, moet ek by U kla oor geweld voordat U red? Waarom laat U my die onreg sien wat gedoen word, waarom kyk U toe as daar soveel ellende is? Oral rondom my is daar onderdrukking en geweld, en word daar getwis en baklei. Die wet het nie meer krag nie, en daar geskied nie meer reg nie. Slegte mense het die oorhand oor die goeies, en so word die reg verkrag.”
–Habakkuk 1:2-4
Hierdie verse herinner my aan ons Lament studie: “Vertrou God te Midde Van Lyding.” Een van die diepgaande dinge wat ek geleer het, was dat ek my pyn na God kan bring, vrae kan vra, kan huil en my hart oopmaak, en Hy word nie afgesit deur my nie. Ek het ook geleer dat wat lament onderskei van kla, is my vermoë om, te midde van al die storms en die pyn, te kan erken dat God ‘n wonderwerk kan bring en ek loof Hom daarvoor. Ek laat nie toe dat my kwessies my verblind of maak dat ek die grootheid van Jehova vergeet nie. Selfs al is die pyn, die bekommernis en die onregverdigheid oorweldigend, weet en onthou ek steeds dat my hemelse Vader meer as in staat is.
As jy ook soos ek is in hierdie huidige tye wat ons beleef, weet ek dat jy moeg moet wees van al die dinge wat jy sien en hoor. Die nuus is gevul met soveel slegte nuus dat dit mens somtyds depressief kan maak. Om televisie te kyk was veronderstel om ontspanned te wees, maar nou is dit ‘n oorsaak van stres.
Jy wonder dalk soos ek: “Vader, wanneer gaan al hierdie dinge ophou? Sien U dit?” Onregverdigheid, hartseer, pyn en honger is besig om toe te neem en ek wonder: “As my hart gebroke is deur dit alles, hoeveel meer moet dit God, wat in beheer is van die hele heelal, se hart breek?”
Vriende, dit kan oorweldigend wees, mens moeg maak en ‘n groot beproewing vir ons geloof wees. Maar ek wil jou bemoedig om hoop lewendig te hou. Moenie opgee en sê: “As alles voortdurend slegter word, waarom moet ek aanhou probeer?”
Ons het ‘n God wat verstaan wat gebeur. ‘n Diepe studie van sy Woord wys ons dat hierdie dinge sal plaasvind. Maar ons het Hom! Ja, vriendin, jy het Hom. Jy kan met al jou bekommernisse en sorge na God toe kom. Soos Habakkuk kan jy vir Hom vertel hoeveel pyn jy het en Hy sal luister en jou nie wegstuur nie. Moenie stilbly nie. Praat met jou Vader. Sy ore is altyd oop vir die gebede van sy kinders.
God sê dat Hy ons nooit sal verlaat of in die steek sal laat nie en Hy het daardie belofte vervul toe Hy Jesus gestuur het om vir ons te sterf. Jesus het gekom en die verloop van die geskiedenis verander. Hy het die storie verander. Hy gee ons hoop, vrede en vreugde. In plaas van om oorweldig te wees deur alles rondom ons wat verkeerd is, kan ons onthou dat Jesus weer sal kom en ons kan hoop hê dat dit alles spoedig verby sal wees. Ons kan rus in God se vrede en liefde en ons harte vul met sy woorde van troos. Jesus se koms herinner ons dat God bewus is van alles wat gebeur. Hy sien en Hy werk. Dit mag dalk nie altyd so lyk nie, maar God is weet.
Hierdie seisoen wil ek rus in die feit dat Jesus gekom het en alles verander het. Ek wil jou aanmoedig om sy Woord te bestudeer en jou geloof te versterk. Kyk om jou rond vir wonderwerke en seëninge. Dit is hier. Donkerheid kan nooit die lig uithou nie. Inteendeel, lig verdryf die duisternis. Stort jou hart uit teenoor Jesus en laat toe dat Hy jou vul met sy ewigdurende hoop en vrede. Moenie moedeloos bly nie. Laat toe dat Jesus se koms en God se Woord jou ophef na ‘n plek van vrede, vreugde en hoop.
Ek wens jou die beste van hierdie seisoen toe.
Week 2 Uitdaging:
Hierdie week dink ons na oor die gebrokenheid van die wêreld en die hoop wat ons in Christus het. Advent is bedoel om ons te herinner aan hierdie gebrokenheid en die realiteit dat ons nog wag vir volkome verlossing en om heel gemaak te word in Christus. Terwyl jy deur jou week gaan, let op dinge in jou lewe wat stukkend is. Herinner jouself aan die waarheid van God se belofte dat Hy kom en alles sal verlos op sy perfekte tyd.
Week 2 Leesplan:
Week 2 Memoriseervers:
