In die begin het God die hemel en die aarde geskep. Die aarde was heeltemal onbewoonbaar, dit was donker op die diep waters, maar die Gees van God het oor die waters gesweef. – Genesis 1:1-2
Genesis is die boek oor die begin.
In Genesis openbaar God Homself aan die mensdom deur sy skepping en stel Hy ons in staat om ‘n blik te kry van sy goddelike eienskappe.
Alhoewel ons nooit die verstand van God sal hê om die besonderhede of innerlike werking van die skepping te verstaan of te verklaar nie, openbaar God Homself nog steeds intiem aan ons.
God openbaar Homself as ons ewige God – God die Vader, God die Seun en God die Heilige Gees – aanwesig voordat daar ‘n begin was en blywend tot in die ewigheid, sonder einde.
God openbaar Homself as ons oneindige en onbegryplike God, oneindig in sy krag, sy wysheid en sy kennis. Ons heilige God skep en voorsien alles wat ons nodig het met sy onbeperkte krag vir sy goddelike doeleindes.
God openbaar Homself as ons alwetende en almagtige God, die Skepper van alle dinge. Deur Hom is alles perfek ontwerp, perfek beplan en perfek georganiseer. Laastens openbaar God Homself as ons liefdevolle en barmhartige Vader wat ons genadiglik insluit in sy goddelike plan vir ‘n intieme verhouding met Hom.
Efesiërs 1: 4 sê, “So het Hy, nog voordat die wêreld geskep is, ons in Christus uitverkies om heilig en onberispelik voor Hom te wees.”
Waar was jy toe God die hemel en die aarde geskep het? Die antwoord sal jou dalk verbaas. Efesiërs 1: 4 vertel dat gelowiges voor die grondlegging van die wêreld deur God gekies is. In die begin, toe daar net God die Vader, God die Seun en God die Heilige Gees was, was ek en jy daar in die hart en gedagtes van God. Ons is gekies! Voordat God die hemel en die aarde geskep het. Voordat daar ‘n wêreld was.
Voordat daar mense was.
Voordat daar sonde was.
Voordat God se goddelike plan vir die wêreld ooit geskep is, was ons deel daarvan. Wat ‘n wonderlike verskil maak dit om te weet dat ons deur God gekies is voor die grondlegging van die wêreld! Dit beteken dat ek en jy nie ‘n ongeluk, ‘n fout of ‘n nagedagte was nie.
Ek en jy was in die begin in die hart en gedagtes van God. Omdat God ons van die begin af gekies het, weerspieël ons Hom wanneer ons Hom in ons eie begin kies. Ons het die geleentheid om God te kies aan die begin van ons dag, ons planne, ons verhoudings en ons omstandighede. Ons kan God in ons harte en gedagtes sentreer, reg aan die begin! Soos ons deur Genesis en deur die res van God se Woord lees, moet ons onthou om onsself te sien soos God ons sien: sy uitverkore dogters.
God het sy liefde in die begin genadiglik op ons gerig. God het in die begin genadiglik ‘n verlossingsplan vir ons voorsien. God het aan die begin liefdevol vir ons ‘n doel gegee. God het ons posisie in Christus vir ewig verseker. Voor die skepping. Voor tyd. Voor die grondlegging van die wêreld het God ons in Christus gekies vanweë sy ewige liefde en genade. Heel aan die begin.
Vrede en genade vir jou,
Week 1 Uitdaging:
Spandeer tyd hierdie week om God se skepping te geniet. As jy kan, spandeer tyd weg van enigiets wat deur die mens gemaak is. Luister na die geluide van die natuur. Geniet sy skepping sonder om dit met ‘n foto vas te lê. Wat leer jy van God deur die skepping waar te neem?
Week 1 Leesplan:
Week 1 Memoriseervers:
