Ek is ‘n oorwinnaar
Die afgelope tyd het ek swak, moeg en belas gevoel. Ek dink dis omdat ek na myself gekyk het wanneer dinge moeilik begin raak het, eerder as om op God, die enigste Een wat sterk genoeg is om die werk van die vyand in my lewe en in hierdie wêreld te verslaan, te vertrou.
Ons is almal bekend met die satan se doen en late in hierdie wêreld. Ons sien hoe hy die manier waarop mense hulself sien, verander, mense se denke verdraai, hoe hy waardevolle lewens steel en wanhoop spreek oor diegene wat seergekry het. Dis ‘n baie neerdrukkende gedagte, maar dis ook ‘n belangrike werklikheid wat erken moet word, en dis een wat ons nie meer hoef te vrees nie. Kom ek jou vertel hoekom.
Die eerste paar verse van 1 Johannes 4 onthul die geestelike oorlogvoering wat in hierdie wêreld aan die gang is. Hierdie skrifgedeelte vertel vir ons dat daar geeste is wat van God afkomstig is en daar is geeste wat nie van God afkomstig is nie. Verder handel Efesiërs 6 oor hierdie geestelike stryd, ons stryd is nie teen mense is nie, maar teen die magte van die duisternis van hierdie wêreld en die bose geeste in die lug.
Ewenwel, beide gedeeltes eindig nie hier nie. God verklaar met vrymoedigheid in 1 Johannes 4:4 dat jy, as jy in Hom glo, ‘n oorwinnaar is oor die taktiek en leuens van die vyand, want die Een wat in jou as gelowige woon, is groter as die een wat in die wêreld leef. Die Gees van God woon volgens Romeine 8:11 in die gelowige. Dis hierdie selfde Gees wat Christus uit die dood opgewek het. Sjoe! Boonop vermaan Paulus ons om sterk te word in die Here en in sy krag van sy sterkte en die volle wapenrusting van God aan te trek, sodat ons die planne van die satan kan weerstaan (Efesiërs 6:10-11). Dit beteken dat diegene wat hulle hoop en vertroue op God plaas, goddelike mag verkry het oor die bose geeste van hierdie wêreld.
Vriendin, as gevolg van dit wat Jesus vir jou gedoen het, kan jy op die podium van oorwinning staan en die eerste plek inneem. Die stryd is reeds vir jou gewen. Kolossense 2:15 sê dat Jesus die heersers en owerhede van hierdie wêreld ontwapen het, ‘n skouspel van hulle gemaak het en oor hulle seëvier deur die kruis. Kolossense 1:13 sê dat Hy ons uit die mag van die duisternis verlos het en ons oorgebring het na sy koninkryk van lig. Verder sê Jesus in Lukas 10:19 dat Hy jou absolute gesag gegee het om alle mag van die vyand te oorkom.
Vriendin, die satan het jou reg waar hy jou wil hê as jy in apatie oorgegee het of besluit het dat jy te moeg is om teen die leuens te veg. Ek wil jou nou aanmoedig: Moet asseblief nie tou opgooi nie. Moet asseblief nie jou swaard neerlê nie. Jy is toegerus vir hierdie geveg terwyl jy op aarde is en het die versekering van die finale oorwinning (Efesiërs 6:17, 1 Korintiërs 15:57). Die liggaam van Christus is by jou en God woon in jou, so jy is nie alleen in hierdie stryd nie (Hebreërs 12:1, 1 Johannes 4:13). Psalm 46:1 sê dat God jou toevlug en hulp in nood is.
Geliefde, daar is Iemand wat vir jou gesterf het om jou lewe te gee en wat nooit sal ophou om vir jou te veg nie. Hy het nie aan die kruis opgehou om vir jou lewe te veg nie, en Hy sal ook nie nou ophou nie. Laat ons die satan dus nie toelaat om ons meer slaan nie. As ons onsself aan God onderwerp en die satan weerstaan, sal hy van ons wegvlug (Jakobus 4:7). Hoewel dit ‘n daaglikse stryd is, het Jesus ons nou reeds ‘n oorvloedige lewe beloof en die ewige lewe vir altyd. Romeine 8:18 sê die heerlikheid wat aan ons as kinders van God geopenbaar gaan word, nie vergelyk met wat ons nou in hierdie wêreld ly nie.
Sonder Jesus kan ons niks waardevols doen nie. Ons kan sekerlik elke dag op ‘n meganiese manier maar net doen wat ons moet doen en probeer om die krag bymekaar te skraap om “oukei te wees”, maar sonder God en sy goddelike krag sal ons sal nie werklik lewe of iets van groot waarde bereik nie (Johannes 15:4). Om regtig te lewe begin wanneer ons die waarheid van God se volmaakte liefde vir ons besef – ‘n liefde wat alle vrees verdryf (1 Johannes 4:18). Die waarheid is dat God vir ons mens geword het deur sy Seun te stuur, wat Homself tot die dood toe verneder het, selfs die dood aan die kruis (Filippense 2). Hy het die planne van die satan oorwin, sodat ons nie langer slawe daarvan hoef te wees nie. Daarom is dit nie meer ons taak om die krag bymekaar te skraap en te bewys hoe hard ons kan veg nie; die Een in ons is groter as die een in hierdie wêreld. Dit beteken dat jy deur Jesus tot ‘n magtige oorwinnaar verklaar is.
