Eenheid in die Nuwe Verbond
Deur Sara / 11 Desember 2020 / Ewige Verbond
Ons benodig ‘n verandering. ‘n Nuwe begin in terme van hoe ons mense sien en behandel.
Kom ons spring aan die diep kant in. Jy en ek mag verskil oor aborsie, oor LGBTQ+ leierskap in die kerk, oor maniere om rasse ongeregtigheid op te los, oor politiek. (Ek sê nie dat hierdie of ander onderwerpe nie belangrik is nie, en ek maak nie ligte saak van die harde, pynlike, noodsaaklike werk om moeilike sake te navigeer nie.) Wat ek sê is dit:
Elke persoon is in die beeld van God geskape, in gelyke mate.
Elke lewe is deur God geskape en is inherent waardevol.
Elke gelowige is gered deur genade, en genade alleen.
Ek hou dalk nie van wat jy sê nie. Ek stem dalk nie saam met wat jy op sosiale media plaas nie. Voordat ek reageer met minagting, voordat ek jou verkleineer of slegsê, moet ek myself daaraan herinner dat my woorde op die punt staan om ‘n beelddraer van God te besoedel. God se verlossing in ons lewens is die beginpunt vir ons om genade aan ander uit te reik.
Miskien het ek toegelaat dat die wêreld en die media my sinies maak, maar ek weet dat ons ordentlik kan wees en ek weet dat ons welwillend kan wees. Ons kan saamstem om te verskil oor sekere dinge. Kom ons kyk na dít waaroor ons saamstem. Kom ons kyk vir dit wat goed is.
Ons is almal in gelyke mate in God se beeld geskape.
Ons lewens is in gelyke mate waardevol.
“Ek het van die Here ontvang wat ek ook aan julle oorgelewer het: Die Here Jesus het in die nag waarin Hy oorgelewer is, brood geneem en, nadat Hy God daarvoor gedank het, het Hy dit gebreek en gesê: “Dit is my liggaam; dit is vir júlle. Gebruik dit tot my gedagtenis.” Net so ook het Hy ná die maaltyd die beker geneem en gesê: “Hierdie beker is die nuwe verbond, wat deur my bloed beseël is. Gebruik dit, elke keer as julle daaruit drink, tot my gedagtenis.” Elke keer as julle van hierdie brood eet en uit die beker drink, verkondig julle die dood van die Here totdat Hy kom.
–1 Korintiërs 11:23-26
Wanneer dit ingewikkel, oorweldigend of vurig raak – kom ons gaan terug na die grondtrekke: om die Here se dood te verkondig tot Hy weer kom. Ons kan eenheid in die nuwe verbond vind, want Jesus se dood aan die kruis was vir almal van ons – net soveel vir jou as wat dit vir my was.
Gelowiges, kom ons onthou dat ons saamstem oor Jesus en laat ons mekaar aanmoedig in ons strewe na Hom.
Sara
