Bly Waaksaam
Ebos Aifuobhokhan
Bly dus waaksaam, omdat julle nie weet watter dag julle Here kom nie.“Onthou dit: as die huiseienaar geweet het watter tyd van die nag die dief kom, sou hy wag gehou het en nie toegelaat het dat daar in sy huis ingebreek word nie. Om dieselfde rede moet julle ook altyd gereed wees, want die Seun van die mens kom op ‘n uur dat julle dit nie verwag nie.” – Matteus 24:42-44
Verse 1 en 2 van vandag se hoofstuk het my nog altyd gefassineer. Die dissipels was beïndruk met hul manjifieke tempel en die wonderlike argitektuur wat jare geneem het om te bereik, en ek wil glo hulle was trots om dit aan Jesus te wys. Maar Jesus het hulle daaraan herinner dat dit nie die dinge was waarvoor Hy gekom het nie. Hy het hulle daaraan herinner dat hierdie tempel vernietig sou word en niks sou lyk soos die skoonheid wat dit nou is nie. Hy het probeer om hul harte en gedagtes te herlei na wat werklik belangrik is. Hy wou nie hê dat hulle op die syspoor moes gaan nie, maar bedag moes wees op hoekom Hy hier op aarde was.
Dit is dieselfde met ons wêreld vandag. Daar is so baie dinge elke dag wat die vermoë het om ons aandag af te lei van die waarheid dat Jesus kom. Jesus wil nie hê dat ons vasgevang moet word met die kontroversies, sameswerings of dinge wat ons nie verstaan nie, wat eindig in eindelose argumente of gesprekke wat ons emosioneel uitgebrand en uitgeput laat. Hierdie dinge vertroebel ons geestelik.
Ek was mal oor die reaksie van die dissipels op Jesus se woorde. Hulle het na Hom toe gekom om uit te vind watter eindtydtekens hulle sou sien.
Jesus het vir hulle gesê om waaksaam te wees sodat niemand hulle sou mislei nie. Daar is soveel dinge in ons wêreld wat baie misleidend is. Dit lyk soos die waarheid, maar is nie die waarheid nie, dit is slegs ‘n slenter van Satan om ons aandag van die koms van Jesus af te lei. Moenie bekommerd wees oor die dinge wat jy sien, of lees, of kyk op die nuus nie. Diegene wat in Jesus glo en weier om mislei te word, sal vervolg word. Weereens, dit is net ‘n slenter van afleiding. Bly waaksaam! Ek moedig jou aan om nie toe te laat dat jou liefde vir Jesus koud word nie. Daar gebeur baie en baie sal nog gebeur. Maar deur die onsekerhede, lyding en onrus, hou jou geloof waaksaam deur op God se Woord te vertrou.
Ons weet nie die uur of dag wat Jesus sal terugkom nie, maar God het ons nie sonder hoop gelaat nie. Hy het vir ons in sy Woord gesê om waaksaam te bly.
Liefde uit Nigerië,
