Week 3 – Sarah en Onvrugbaarheid
deur Jen Thorn | Maart 27, 2017
Hierdie week kyk ons na die swaar onderwerp van onvrugbaarheid. Dit is swaar, want dit is so pynlik, dit dreineer mense emosioneel, en dit beïnvloed mense se hele lewens. Baie mense het hulle hele lewe gewag om uiteindelik kinders te hê, net om die bitter teleurstelling van onvrugbaarheid in die gesig te staar.
Daar is ‘n hele paar vrouens in die Bybel wat onvrugbaar was: Ragel (Gen. 30), Manoag se vrou (Rig. 13), Hanna (1 Sam. 1), Mikal (2 Sam. 6) en Sara.
Sarah het 90 jaar oud geword, sonder om kinders te hê. Dit was baie jare van wag. Ek kan my indink dat daar baie trane en hartseer was. Ons weet dat sy nie vertroue in God se getrouheid en goedheid gehad het nie, want sy het haar slavin aan haar man gegee om ‘n kind te kan voortbring. Miskien het sy op 90 moed opgegee dat sy ooit ‘n ma gaan wees. Ons weet dat sy verkeerd was.
In hierdie studie het ons gekies om op Sara te fokus, omdat ons in haar onvrugbaarheidverhaal ‘n baie belangrike waarheid leer…
“Is enige iets te moeilik vir die Here?”
Die antwoord is, “Natuurlik nie!” Die Here kan enige iets volgens Sy wil doen.
Hy kan gebroke liggame genees op maniere wat dokters stomslaan. Hy kan kinders gee aan paartjies wat gedink het dat dit onmoontlik is.
Maar daar is iets anders wat die Here kan doen. Iets, wat dalk selfs meer wonderbaarlik is. Hy kan ware vreugde en tevredenheid gee te midde van onvrugbaarheid.
Verwag die Onmoontlike
Tevredenheid en vreugde te midde van moeilikheid en lyding – iets so onwaarskynlik soos ‘n onvrugbare vrou wat swanger word – kan onmoontlik lyk. Maar onthou, met God is niks onmoontlik nie.
Sy krag is sterker as enige lyding. Hy kan siekes genees, die dooies lewendig maak en die hart van ‘n sondaar verander. Hy kan tevredenheid en vreugde gee aan die gebrokenes van hart, want Hy kan iets uit niks uit skep.
Ons moet tot Hom nader om dit te kan ontvang. Ons moet die beloftes wat Hy in Sy Woord gee, vertrou. Ons moet tot Hom nader in gebed met ons hartseer, en ons moet Hom loof te midde van trane, want Hy is agtenswaardig.
Dan, wanneer ons na aan God is, kan ons wag – en die onmoontlike verwag. Ek wil jou aanmoedig om in jou beproewing, vol vertroue te wag vir God om in jou lewe te werk. Ek bid dat die Here vir jou vreugde sal bring wat diep in jou hart gevestig sal wees, en tevredenheid wat rus op die waarheid dat God altyd goed is.
Kyk na Jesus,
Week 3 – Video
Week 3 Uitdaging: Spandeer baie tyd in gebed en stort waarlik al jou pyn, frustrasies, teleurstellings en vrese oor onvrugbaarheid uit. As jy self nie hiermee worstel nie, tree dan in vir iemand wat jy ken wat desperaat is om ‘n kind te hê, maar wie se arms leeg bly.
Week 3 Leesplan
Week 3 Memoriseer Vers
