Soek God Se Wysheid

Deur Angela | Februarie 7, 2018 | Jakobus

Voordat ek ‘n ma geword het, het ek gedink ek gaan ‘n wonderlike ma wees. Ek was seker daarvan, want ek het al die regte boeke gelees, ek het babas opgepas toe ek ‘n tiener was, ek het my Primêre onderwysgraad gekry EN ek het ervaring van skoolhou gehad. Uit my naïewe perspektief, het ek die kennis en die ervaring gehad… of so het ek gedink.

Toe is my eerste dogter gebore.

En vir die eerste keer in my lewe, het ek ware uitputting geken. Ek het slapelose nagte gehad, baie vroeë oggende, waar ek my baba wat nie wou ophou huil nie, vasgehou het en ek het – meer nagte as wat ek graag wil erken – saam met haar gehuil uit totale desperaatheid. En net toe ek gevoel het ek begin gewoond raak daaraan om ‘n ma te wees, het ek, tot my verbasing, baie vinnig weer swanger geraak, en 6 maande later nog ‘n dogter gehad. As ek nou terugkyk na daardie eerste paar slapelose jare, voel dit meer soos ‘n droom as realiteit.

Moet my asseblief nie verkeerd verstaan nie, die lewe was goed. Ek het ongelooflik geseënd gevoel om my dogters te hê, veral nadat ek amper 7 jaar vir hulle gewag het…. maar om werklik eerlik met julle te wees, dit was baie moeilik. Dit was uitputtend, en glad nie soos wat ek verwag het dit sou wees nie. Dit was nie soos om vir ‘n klas kinders skool te gee nie, kinders wat na hulle ouers toe teruggaan aan die einde van die skooldag… my dierbare klein dogters was elke dag, heeldag saam met my.

Die perfekte ma wat ek in my gedagtes gesien het, was vinnig besig om nie deel van my realiteit te word nie, en dit het my hart verskeur.

Julle sien, ek het die kennis gehad van hoe om ‘n “super” ma te wees. Ek het “al die regte dinge geweet”, maar ek het die ervaring en Goddelike wysheid kortgekom.

Vers 13 herinner my aan myself en my pad van moederskap:

“Is daar ‘n wyse en verstandige mens onder julle? Dan moet hy dit toon deur sy goeie gedrag, en deur dade wat van nederigheid en wysheid getuig.

Dade wat van nederigheid en wysheid getuig…

Om vir die eerste keer ‘n ma te wees het my nederig gemaak… en dit doen dit steeds.

Deur die jare het ek geleer om nie te dink “as ek ooit ‘n kind het wat so gaan optree, dan sal ek…” Deur ‘n paar keer te faal, foute te maak, my humeur te verloor, te voel of ek gek raak… het my nederig gemaak. En dit is goed so. Dit blyk dat wanneer ek myself net wil gelukwens vir iets wat my dogters gedoen het, dan vind ek dat ek weer nederig gemaak word.

Dit was tot dusver die lewenservaring. Die daaglikse gebeurtenis van foute maak, en die poging om daaruit te leer, het my nie net die nederigheid gegee wat ek so nodig het nie, maar ook genade-vervulde wysheid.

God het genadiglik daardie pynlike oomblikke gebruik om my nie net nederig te maak nie, maar om my ook my behoefte aan Hom en Sy wysheid in my lewe te wys.

Omdat ek van aangesig tot aangesig met my tekortkominge as ‘n ma, vrou, vriendin, dogter gekom het… het God daardie ervaringe gebruik om my nader aan Hom te bring. Soos ek in nederigheid gegroei het, het ek besef hoe desperaat ek Sy wysheid in my lewe nodig het, in plaas van die wysheid wat in die wêreld gevind word.

In verse 14-18, praat Jakobus van twee verskillende tipes wysheid. Een is van die wêreld en een is van die hemel.

Die wysheid van hierdie wêreld bring aksies van hierdie wêreld voort. Karaktertrekke soos jaloesie, selfsugtige ambisie, spog en leuens.

Die wysheid van die wêreld fokus op my. Wat ek op my eie kan doen, in my eie krag, vir my eie eer. Ek is die fokus van die wysheid van die wêreld, nie God nie.

In kontras daarmee is die wysheid van die hemel suiwer. Dit is:

  • vredeliewend
  • bedagsaam
  • onderdanig
  • vol barmhartigheid
  • produseer goeie vrugte
  • onpartydig
  • opreg

 As ek terugkyk na die afgelope 11 jaar wat ek al ‘n ma is van nie net twee nie, maar drie dogters, verstaan ek dat om Goddelike wysheid te bekom nie net ‘n eenmalige gebeurtenis is nie, maar ‘n nederige Jesus-soekende keuse elke liewe dag.

Dit is die daaglike, doelgerigte eerste na Jesus gaan met my bekommernisse, seer, en uiterste desperaatheid. Dit is in die keuse om myself af te lê, my selfsugtige gedagtes, gedrag en opinies en om ‘n lewe te wil hê wat gekenmerk word met die kwaliteite van die lys hier bo. Kwaliteite soos om vol barmhartigheid, opregtigheid en bedagsaamheid te wees.

En ek het oor die jare geleer dat ‘n lewe vol van God se wysheid, baie soos Jesus lyk.

Vriende, as dit die lewe is waarna jy soek… moenie moeg raak of ontmoedig word nie. Soos God verskillende situasies in ons lewens toelaat, het ons ‘n keuse of ons onsself nederig wil maak en leer om te groei in God se wysheid, of ons het die keuse of ons wil luister na die wêreld en die teenstrydige insig wat dit verskaf.

Om lewens vol van Goddelike wysheid te leef, neem tyd en dit neem doelgerigdheid. Dit is ‘n proses wat geleer word deur ‘n leeftyd waarin jy Jesus dag na dag soek. Daar is geen towerstaf waarmee God ons sal aanraak en dan het ons dadelik die wysheid van die hemel sonder om dit daagliks eerste te kies nie.

Wat ons het, is ‘n belofte dat God ons nooit sal verlaat nie en dat Hy elke tree van die pad met ons sal wees soos ons meer van Hom en minder van die wêreld soek!

Hê God Groots Lief!

 

 

 

 

 

Kom ons Praat: Hoe soek jy doelgerig God se wysheid bo die wysheid wat in die wêreld gevind word?

Leave a Reply

Your email address will not be published. Required fields are marked *

Verwante Bybelstudie

KRY BLOG-UPDATES

Mees onlangse