‘n Baba In ‘n Krip

Dinsdag – ‘n Baba in ‘n krip

deur Angela | Desember 18, 2018 | Verlosser – Die Belofte Vervul

Lukas 2:6-7

“Terwyl hulle daar was, het die tyd gekom dat haar kind gebore moes word. Sy het haar Eerstelingseun in die wêreld gebring en Hom in doeke toegedraai en in ‘n krip neergelê, omdat daar vir hulle geen plek in die herberg was nie.”

Toe dit tyd geword het vir Maria se baba om gebore te word, was sy en Josef in Betlehem, heeltemal afgesny van haar hele gesin en die ondersteuning van vriende terug in Nazareth. Daar word nie vertel dat iemand Maria tydens die geboorte gehelp het nie, en die feit dat Maria die kind self toegedraai het, dui daarop dat sy alleen was. Sy het ‘n paar stukke klere gevat om die baba in toe te draai en hom in ‘n krip gelê.

Ek weet nie of die krip in ‘n grot of ‘n stal was nie, of dit aan ‘n huis gegrens het of in ‘n oop veld was nie. Ek weet ook nie of die krip uit hout of klip gemaak was nie, en of daar diere binne in was tydens Jesus se geboorte nie. Wat ek wel weet, is dit: Maria het baba Jesus in ‘n krip neergelê, want daar was geen plek vir hulle in die herberg nie. Daar was geen plek vir Jesus nie.

Hy was die Seun van God. Hy kon gekies het om in ‘n paleis gebore te word, in ‘n groot gemaklike huis. Maar Hy het gekies om op die nederigste manier na die wêreld te kom. Hy het die ongemaklike, stinkende, en eensaamste manier gekies

Hoeveel keer het ek al gekla oor klein, onbenullige dingetjies wat my lewe ‘n bietjie minder gemaklik maak? Hoeveel keer het ek my eie welsyn voor die wil van Jesus gestel?

Hoeveel keer was daar nie plek in my hart, in my lewe, in my skedule vir Hom nie?

Liewe Heer, vergewe my wanneer ek my dinge bo U en my verhouding met U plaas. Vergewe my wanneer ek my hart vir U sluit en nie my prioriteite reg het nie. Help my om elke dag van my lewe plek vir U te maak. Amen.

Mini uitdaging: Het jy gunsteling aanbiddingsliedjies of Kersliedere wat jy graag sing? Oorweeg om ‘n speellys te maak om met vriende of familie te deel – jy kan hulle selfs nooi om vir jou ‘n lys liedjies te stuur wat hulle graag wil byvoeg. Jy kan dalk net ‘n nuwe gunsteling ontdek!

Leave a Reply

Your email address will not be published. Required fields are marked *

Verwante Bybelstudie

KRY BLOG-UPDATES

Mees onlangse