Hardloop die Genadewedloop

Deur amandacunningham | Februarie 14, 2018 | Jakobus

Wanneer jy in een fase van jou lewe is, is dit so maklik om te wil jaag na die volgende fase. ‘n Onderhoud mag dalk lei na ‘n nuwe werk, wat hopelik sal help om ‘n nuwe kar te kan bekostig, en daardie kar sal perfek wees vir daardie vakansie wat ons wil neem. Dit is moontlik dat ons, selfs voordat ons nog die onderhoud het, alreeds beplan het watter plekke ons graag op daardie reis sal wil besoek. Maar hierdie wedloop wat ons met die Here hardloop, gaan nie oor wat ons wil doen nie. God wil nie hê dat ons onsself vooruit moet hardloop nie, en Hy beveel dat ons Hom ook nie vooruit moet hardloop nie.

“Wag dan geduldig, broers, totdat die Here kom. Let op hoe die boer wag vir die kosbare oes wat die land oplewer. Hy wag geduldig daarvoor totdat dit die vroeë en die laat reëns gekry het. Julle moet ook geduldig wag en moed hou, want dit is nie meer lank nie, dan kom die Here.” Jakobus 5:7-8

My oudste dogter is nege en het definitief ‘n desperate behoefte om betyds te wees van my man geërf. (Hy het opgegroei in ‘n militêre gesin; ek het opgegroei in een wat nie streng was nie.) Ons bly ver van die skool af, so ek weet ons sal elke dag voor skool ongeveer 30 minute in die kar spandeer. Die verkeer is onvoorspelbaar, en so ook my jongste dogter se oggend roetine, wat groot stres vir my oudste dogter veroorsaak. Vanoggend was die paaie nie baie besig nie, en ons was op skedule om betyds te wees. Maar dit was nie goed genoeg vir my dikwels angstige, meestal verantwoordelike nege jaar oue dogter nie.

“Mamma, ons gaan laat wees.”

“Nee, my liefste, ons gaan nie laat wees nie. Probeer om te ontspan. Bid jou stres weg.”

“As ek net vooruit kon gedink het. Dan kon ek gisteraand die tyd op al die horlosies by die skool verander het! As ek hulle elkeen 10 minute teruggestel het, dan sou ons nie so op die nippertjie daar aankom nie!”

Hoe dikwels doen ons dit nie met God nie? Ons wil bo Sy troon uitreik om die arms op Sy heilige klok te verstel, om Sy planne te verander om ons onmiddelike behoeftes te bevredig, om Sy Heilige tydsberekening te ontheilig, in plaas van om daarin te vertrou. In goeie oomblikke of slegte oomblikke neig ons om vooruit te wil hardloop. O, hoe roep Hy ons om ons pas te verstadig, en eerder aan Hom onderworpe te wees. Die pad van ons na Hom is nie ‘n dolle gejaag nie, dit is ‘n genade reis.

  • Wanneer ons moeg is en fokus verloor, ken ons die krag van ons God om die hele wêreld van hul  sondes te vergewe met Sy een en enigste Seun. Om ons Almagtige Vader te ken, bring ons bonatuurlike krag.
  • Wanneer ons seer het en wil tou opgooi, weet ons dat ons God nie pyn sal toelaat as dit nie tot vryheid lei nie. Om te weet dat Sy plan van verlossing alreeds voltooi is, gee ons vrede wat alle verstand te bowe gaan.
  • Wanneer iemand anders langs ons struikel, onthou ons al die tye wat God se medelye langer as ons eie foute geleef het. Om Sy oneindige liefde te ken, inspireer ons om ander op hulle wedlope te help, in plaas van om hulle agter te laat.

 God nooi ons uit op die wedloopbaan vir ‘n genadewedloop. Dit begin met alles van ons, en dit eindig met alles van Hom. As ons as Christene geduldig, nederig, eerlik en gehoorsaam is, transformeer ons stadig langs die pad, om soos Hom te wees. Op die einde lig ons ons harte en ons arms op in seëviering van God en al Sy glorie, nie ons s’n nie.

Alles vir SY glorie,

 

Leave a Reply

Your email address will not be published. Required fields are marked *

Verwante Bybelstudie

KRY BLOG-UPDATES

Mees onlangse