Gee Aan Hom Die Glorie

Woensdag – Gee aan Hom die Glorie

deur Angela | Desember 19, 2018 | Verlosser – Die Belofte Vervul

Lukas 2:10-11

“Toe sê die engel vir hulle: “Moenie bang wees nie, want kyk, ek bring vir julle ‘n goeie tyding van groot blydskap wat vir die hele volk bestem is. Vandag is daar vir julle in die stad van Dawid die Verlosser gebore, Christus die Here!” Lukas 2: 10-11

Stel jou die landelike toneel voor waar die skaapwagters in die nag hulle skape oppas. Ek is seker hulle het ‘n stil, selfs saai nag verwag. Skielik word die nag helder verlig en ‘n engel verskyn wat vertel dat die Messias gekom het, dat die Verlosser gebore is! En dan sluit ‘n koor van engele aan om ‘n loflied te sing.

Het jy al ooit gewonder hoekom ‘n engel hierdie boodskap aan herders gegee het, in plaas daarvan om die nuus aan priesters of skrifgeleerdes te vertel? Iemand meer “belangrik”? Ek hou van hoe Warren Wiersbe hierdie vraag in sy boek “Wees Medelydend” beantwoord.

“Deur die herders te besoek, het die engel die genade van God aan die mensdom geopenbaar. Herders was werklik uitgeworpenes in Israel. Hy roep die armes en die nederiges (Luk. 1:51-53; 1 Korintiërs 1:26-29).

Die Messias het gekom om beide die Goeie Herder (Johannes 10) en die Lam van God te wees wat vir die sondes van die wêreld geoffer is (Johannes 1:29). Miskien het hierdie herders gesorg vir die kleinvee wat opofferings vir die tempeldienste sou wees. Dit was gepas dat die goeie nuus oor God se Herder en Lam eerste aan nederige herders gegee word.”

Die engel het die herders se nag onderbreek, net soos een geseënde en wonderlike dag my lewe onderbreek het. Toe die nuus van groot blydskap aan my geopenbaar is, was my lewe vir ewig verander. Dit is my gebed dat ek nooit my eerste liefde, daardie tyd van verwondering, toe ek my Verlosser, my Here, vir die eerste keer ontmoet het, sal vergeet nie.

Liewe God, help my om nooit gewoond te raak aan die nuus van U Seun wat as ‘n baba gekom het om die hele wêreld te red nie. Vader, gaan asseblief voort om my lewe te onderbreek en dit uitsonderlik te maak, nie as gevolg van wie ek is nie, maar as gevolg van wie U is. Amen.

Mini-uitdaging: Dink vandag aan die sendelinge wat oral in die wêreld die goeie nuus verkondig. Hulle spandeer dalk Kersfees ver weg van familie en geliefdes. Neem ‘n oomblik om vir hulle te bid en indien jy enige sendelinge ken, stuur vir hulle ‘n bemoedigende boodskap om hulle te laat weet dat hulle geliefd is!

Leave a Reply

Your email address will not be published. Required fields are marked *

Verwante Bybelstudie

KRY BLOG-UPDATES

Mees onlangse