Deur Angela | April 27, 2017
Soos jy in jou geloof groei en jou liefde vir God met ander deel, sal sommige mense jou spot oor jou geloof. Nie almal glo in die waarheid dat God goed is en in die hoop dat Jesus terugkom nie. Maar God het geweet dat jy soms skaam sal voel. Hy het geweet jy dae van twyfel of tye van eensaamheid sal hê. God het baie mense voor jou gestuur en deur hulle gewerk, sodat jy sal weet dat dit moontlik om Hom vir ‘n leeftyd te volg! Om Hom te volg sal meer vervulling en vreugde vir jou siel bring as wat die wêreld ooit kan bied!
Voordat Paulus die boeke van 1 en 2 Tessalonisense geskryf het, het Paulus en Silas Tessalonika, ‘n ou stad in Griekeland, besoek. Hulle het die Goeie Nuus met die Tessalonisense gedeel, en baie van hulle het in die eerste maand in die waarheid en hoop van God geglo! Hierdie spesifieke mense het die eerste kerkgemeenskap geword. Dit was ‘n baie opwindende tyd vir die Koninkryk!
Maar so gou as wat hulle Jesus as hulle Koning verklaar het, is hulle daarvan beskuldig dat hulle Caesar, keiser van Rome verraai het. Hierdie beskuldigings het in laster, steniging en die ergste van strawwe verander. Paulus en Silas het van die stad se gevaar gevlug, maar was bekommerd oor die nuwe volgelinge wat hulle agtergelaat het. Hulle het gewens hulle kon by hulle wees om hulle elke dag te herinner dat God hulle liefhet. Dus het Paulus die briewe van 1 en 2 Tessalonisense geskryf om gelowiges in hulle afwesigheid aan te moedig en te versterk. God gee ons vreugde en vrede in die middel van die moeilikste tye van ons lewens, en Paulus wou hê hulle moes God onthou en in hulle geloof groei, nie wegskram nie.
“And as for you, brothers, never tire of doing what is right.” 2 Thessalonians 3:13
Mense in jou skool, jou familie, jou omgewing en dié wat op sosiale media en in TV-programme uitgebeeld word, kan jou dwaas of nie “cool” laat voel omdat jy Jesus volg. Ons kultuur plaas gewildheid en om alles wat jy wil hê te kan kry, ongeag die koste vir jouself of ander, baie hoog. Maar God gee oneindig meer vir jou om as die wêreld! Sy wysheid en kennis is groter as dié van al die slimste mense op aarde bymekaar getel. En Sy liefde sorg nie net die beste vir ons nie, maar Hy leer ons ook hoe om vir ander te sorg. Een manier waarop God Sy unieke en ongekende liefde vir ons bewys, is deur die gawe van Sy Seun, Jesus.
Wanneer jy moeilike tye in jou lewe ervaar, gebruik die gawe van die Skrif om jou te herinner om nie op te gee nie. Niks is te moeilik vir ons God nie, en Hy verlaat ons nooit, selfs wanneer ons geloof in Hom kortkom. God se Woord bewys weer en weer dat dit nie verouderd is nie, want ons het almal dieselfde vertroosting en selfvertroue nodig wat die Tessalonisense meer as 1900 jaar gelede nodig het.
Vir die volgende ses weke sal ons leer wie saam met God voor ons geloop het, wat hulle in die gesig gestaar het, en hoe hulle voortgegaan het, selfs toe dit moeilik was. Ons sal ook dieper kyk na hoekom hulle aangehou het – want hulle het voortgegaan om die belofte te glo dat Jesus terugkom! En daar is baie, baie belonings wat kom daaruit om Hom vandag te dien, terwyl ons geduldig wag vir Sy wederkoms. Hy is die wag werd! Ons hoop dat hierdie studie jou die vertroue gee wat jy nodig het om ‘n sterk fondament in Christus te bou, want ‘n lewe wat in Hom gevestig is, is ryk aan ewige belonings!
___________________________________
Ons studie begin Maandag 30 April
